პომონა გერმანიაში - ახალი გამოცდილება და ახალი მიზნები 

პომონამ წარმატებით დაასრულა მონაწილეობა GIZ-ის მენეჯერთა გადამზადების პროგრამაში – Partnering in Business with Germany!

ამ საინტერესო მოგზაურობის ფარგლებში გავიარეთ ინტენსიური ტრენინგები, ვეწვიეთ სხვადასხვა გერმანულ კომპანიებს, შევხვდით საერთაშორისო პარტნიორებს და მივიღეთ ცოდნა, რომელიც პომონას გავითარებაში მნიშვნელოვაბი ბიძგი იქნება.

გამორჩეული გამოცდილება იყო ვიზიტი ANUGA 2025 გამოფენაზე კიოლნიში - მსოფლიოს უდიდეს საკვები პროდუქტების და სასმელების ღონისძიებაზე, სადაც 100 ქვეყნის 8 ათასი კომპანია მონაწილეობდა, ასეთი მასშტაბური გამოფენის ხილვა მნიშვნელოვანი გამოცდილება იყო, რომელმაც პომონას განვითარების საერთაშორისო ხედვა კიდევ უფრო გააძლიერა.

გარდა ამისა, გვქონდა შესაძლებლობა შევხვედროდით IFS ( International Featured Standards) კომპანიას და გავცნობოდით საერთაშორისო სტანდარტების მნიშვნელობას, რომელმაც მოგვცა პრაქტიკული ცოდნა ჩვენი შემდეგი მიზნისთვის - IFS სერტიფიკატის მიღებისთვის.

ეს გამოცდილება კიდევ უფრო ამყარებს ჩვენს მისწრაფებას - შევქმნათ მდგრადი, მაღალი ხარისხის ქართული ჯანსაღი ხემსი და გავხსნათ ახალი შესაძლებლობები საერთაშორისო თანამშრომლობისთვის.   

განსაკუთრებული მადლობა - სააგენტო "აწარმოე საქართველოში" და გერმანიის ეკონომიკისა და ენერგეტიკის სამინისტროს ამ შესაძლებლობისთვის და მხარდაჭერისთვის!